Өнөөдөр мэдээллийн технологийн чиглэлээр хүний нөөц бэлтгэх асар их хэрэгцээ, шаардлагатай байна. Тиймээс энэ хүрээнд цогц бодлого хэрэгжүүлж байгаа талаар ЦХХХ-ны сайд Н.Учрал онцлов.
Энэ хүрээнд Цахим Хөгжил, Харилцаа Холбооны Яам болон Мэдээлэл, Технологийн Үндэсний Паркийн дэмжлэгтэйгээр ШУТИС-ийн харьяа Ерөнхий боловсролын ахлах сургуульд мэдээллийн технологийн гүнзгийрүүлсэн сургалттай анги нээж байгаа аж.
Өнөөдрийн хувьд, энэ чиглэлээр суралцах сонирхолтой, шилдэг сурагчдад ШУТИС-ийн харьяа ерөнхий боловсролын ахлах сургуулийн мэдээллийн технологийн гүнзгийрүүлсэн сургалттай ангид суралцах эрхийн бичиг гардууллаа.
Тус ангид суралцсанаар мэдээлэл, харилцаа холбоо, дижитал шилжилтийн технологийн талаар суурь мэдлэг, программчлах технологийг эзэмшин хийсвэр сэтгэлгээтэй болно. Мөн ур чадвараа хөгжүүлж, мэдээллийн технологийн арга хэрэгслээр асуудлыг шийдвэрлэх чадвартай, цаашид суралцахад шаардлагатай мэдлэг, чадварыг эзэмшинэ.
