Христийн шашны гол урсгал болох Католик сүмийн дээд тэргүүн Ромын их хамба лам Франциск Монгол улсад айлчлах гэж байгаа. Тэгвэл Х.Баасансүрэн лам Ромын Папын айчлалын талаарх байр сууриа илэрхийллээ.
Тэрбээр "Хэрвээ Мухаммед, Есүс, Будда гурав нэгэн цаг үед амьдарч байсан бол маш сайн найзууд байх байсан гэж боддог. Яагаад гэвэл би библи, коран судрыг уншиж үзсэн. Тэнд хэлж байгаа агуулга бүгд л бурханлаг хайрыг, нэгдлийг, энэрлийг, нигүүлслийг уламжилдаг. Будда, Есүс, Мухаммед нар хэзээ ч буруу зүйл номлодоггүй.
Тэгэхээр хүний итгэл үнэмшил гэдэг бол хамгийн үнэ цэнтэй зүйл. Хэн нэгний үнэмшил рүү дайрч давшиж үгүйсгэнэ гэдэг бол маш буруу зүйл. Зүрх рүү нь довтолж байгаатай адилхан. Библи, Коран сударт ч цаад хэлэх санаагаараа нэгдлийг илэрхийлж байдаг.
Өнөөдөр Монгол улсад 770 жилийн дараагаар дэлхийн том шашны тэргүүн Пап лам морилж байна. Энэ бол үнэхээр түүхэн ач холбогдолтой чухал зүйл юм. Хархорин хотоос 17 сүмийн олдвор олдсон. Энэ 17 сүм дуганы 12 нь буддын шашны сүм байсан. Тэр дотор Христийн шашны сүм, Мусламын Моск илэрсэн. Тэгэхээр эрт дээр үеэсээ Чингис хаан бүх л шашны оюун санааны эрх чөлөөг хүлээн зөвшөөрдөг байсан байна" гэв.
