Өнөөдөр цахим орчимд бага насны хүүхэд өндөр барилгаас зүүгдэж байна гэх мэдээлэл цахим орчинд нийтлэгдсэн.
Тодруулбал, Цагдаагийн байгууллагын 102 тусгай дугаарт 2023 оны 08 дугаар сарын 25-ны өдөр 14 цаг 19 минутад "Баянзүрх дүүргийн 36 дугаар хороо Санни таун хотхоны байшингийн ирмэг дээгүүр 8-9 орчим насны хүүхдүүүд яваад байна" гэх дуудлага мэдээлэл бүртгэгджээ.
Уг мэдээллийг Баянзүрх дүүргийн Цагдаагийн газрын нэгдүгээр хэлтсээс жижүүрийн шуурхай бүрэлдэхүүн очиж шалгаж хүүхдүүдийг эцэг эх, асран хамгаалагчид нь хүлээлгэн өгч тэдний аюулгүй байдлыг хангаж ажилласан байна. Иймд иргэд та бүхэн бага насны хүүхдэд тавих хараа хяналтаа сайжруулж, хүүхдийг ахуйн осол гэмтлээс урьдчилан сэргийлэхийг цагдаагийн байгууллагаас зөвлөж байна.
