Өчигдөр таван хүн дайрч, ойролцоох Их дэлгүүр доторх есөн хүнийг хутгалж гэмтээсэн хэргийн видео цацагджээ.
Одоогоор хоёр хүний биеийн байдал хүнд байна. Гэмт этгээд хүргэлт хийдэг ажилтан байжээ. Цагдаагийн байгууллагаас шалгахад, архи согтууруулах ундаа болон мансууруулах, сэтгэцэд нөлөөлөх эм бэлдмэл хэрэглээгүй нь тогтоогджээ.
Сүүлийн өдрүүдэд БНСУ-д гэмгүй иргэдрүү халдах, түүнийгээ олон нийтийн цахим сүлжээнд зарлах сэтгэцийн эмгэгтэй хүмүүс олширч байгааг Солонгосын хэвлэлүүд сэрэмжлүүлж байна.
Өнгөрсөн сард “Шиллим” мётроны буудал дээр гэмгүй хүмүүсийг хутгалж гэмтээсэн хэрэг гарснаас хойш эл хэргийг дуурайсан хэд, хэдэн гэмт хэрэг гарчээ.
Тодруулбал, өнгөрсөн сарын 24-ны өдөр “Шиллим” ёг дээр 20 орчим эмэгтэйг хутгалж алах болно хэмээн худалдаж авсан хутганыхаа зургийг цахим хуудаснаа оруулсан этгээдийг баривчилсан байна.
Тэгвэл маргааш нь буюу 25-ны өдөр мөн Шиллим ёг дээр нэг эмэгтэйг хүчирхийлж, хөнөөх болно хэмээн заналхийлсэн 30 орчим насны залууд хэрэг үүсгэсэн юм.
Мөн энэ сарын 3-ны өдөр Сохён ёгийн гадаа машинаараа таван хүнийг дайрч гэмтээн, улмаар ойролцоох Их дэргүүрт хутгаар есөн хүний биед халдаж гэмтээсэн ноцтой хэрэг гарсан.
Түүнчлэн өнөөдөр буюу наймдугаар сарын 4-ны өдөр оройн 18.00-22:00 цаг хүртэл Үри мётроны зогсоолын ойролцоо хутгаар хүний амьд хүрнэ хэмээх айлган сүрдүүлсэн мэдээлэл теллеграмм хуудаснаа тархжээ.
Энэхүү сүрдүүлгийн шинжтэй мэдээллийг цахим хуудаснаа байршуулсан этгээдийн салсан найз охин нь дээрх мётроны зогсоолын ойролцоо амьдардаг аж.
Тэрбээр "түүний таньдаг хүмүүс миний гарт үхээсээ гэж хүсч байна. Амьд явахыг хүсэхгүй байна. Өөрөө үхэхээс өмнө өшөө олон хүн, цагдаагийн аминд хүрэх болно" гэж бичжээ. Түүнийг болон энэ төрлийн айлган сүрдүүлэх, олон нийтийг айдаст автуулж буй этгээдүүдийг хуулийн тусгай баг эрэн хайж, таслан сэргийлэх ажиллагааг эхлүүлээд байна.
Орчуулсан Э.Тунгалаг
