Эрхэм 76 ард олондоо дүнгээ тавиулах цаг мөч ойртсоор. Итгэл хүлээлгэсэн дөрвөн жилийг нь хэрхэн үр бүтээлтэй өнгөрөөв гэдэг дээр сонгогчид дор бүрнээ үнэлгээгээ өгөөд ч эхэлсэн байх. Сонгогчид маань л таньж байвал болоо гэсэн шиг олон нийтэд хараахан танигдаж амжаагүй бүрэн эрх нь дуусах дөхөж байгаа гишүүд ч цөөнгүй байна. Эсрэгээрээ энэ хугацаанд түмэн булхайгаа дэлгүүлж, төрийн төмөр нүүртэй нүүр тулсан нь ч олон байгаа. Сонгууль дөхөж, сонгогчдын дүн тавих цаг ойртсоор...
Сэлэнгэд төрсөн УИХ-ын гишүүн Т.Аубакир Баян-Өлгий аймгаас сонгогдсон.
- Тариа буудайтай холбоотой ажлаар ажлын гараагаа эхэлж байсан. Тухайлбал, Сэлэнгэ аймгийн “Сэлэнгэ тариа” ХХК-ийн дэд захирал, “Тариан цацал” ХХК-ийн захирал гэх мэт.
- Ингэж явсаар гаальтай холбогдсон. Гаалийн Ерөнхий газарт гурван жил ажилласан туршлагатай.
- Герман, Орос хэлтэй ч гадны сургуульд суралцаагүй. “Отгонтэнгэр” дээд сургуулийг төгссөн.
- Элдэв шагнал урамшуулалгүй ч Улсын аварга тариаланч. Канадруу үхрийн үйлдвэрлэлтэй танилцахаар явсан цөөн гишүүдийн нэг.
- “Монголоор цэвэр ярих ёстой гэдэг нь хүчирхийлэл” гэх утга бүхий ярилцлага нь нэлээн олон нийтэд хүрсэн.
- ХОМ-тээ орон сууц, машин,үнэт эдлэл, хувьцаа эзэмшигч компаниа мэдүүлээгүй.Гэхдээ 4.6 тэрбумын авлагатай.
- Т.Аубакир өөрийн хүргэн З.Азатыг Баян-Өлгий аймгийн Онцгой байдлын газрын даргаар томилуулсан. Мөн тус аймгийн Халамжийн газрын даргад өөрийн хамаатны хүүхэд Х.Амирыг томилуулахаар зүтгүүлсэн ч, бүдэрсэн гэх.
- Түүний охин Даяана овгоосоо татгалзаж нийгэмд багагүй сенсаац тарьсан.
- Тэрбээр гишүүн хамаатнуудтай. УИХ-ын гишүүн асан Г.Солтаны төрсөн ахынх нь хүүхэд гэж явдаг бол Х.Баделхан гишүүний эгчийнх нь хүүхэд.
- Байнгын хорооны хурал дээр, малын арьс ширийг нохой ч тоож идэхээ больсон гэж хэлэв. Ер нь чуулган гэхээсээ байнгын хорооны хуралдаан дээр үг хэлэх нь олонтаа.
