БИЗНЕС АЯЛАЛЫН МАСТЕР Г.АМАРТҮВШИНГИЙН ТУХАЙ 10 БАРИМТ

Эрхэм 76 ард олондоо дүнгээ тавиулах цаг мөч ойртсоор. Итгэл хүлээлгэсэн дөрвөн жилийг нь хэрхэн үр бүтээлтэй өнгөрөөв гэдэг дээр сонгогчид дор бүрнээ үнэлгээгээ өгөөд ч эхэлсэн байх. Сонгогчид маань л таньж байвал болоо гэсэн шиг олон нийтэд хараахан танигдаж амжаагүй бүрэн эрх нь дуусах дөхөж байгаа гишүүд ч цөөнгүй байна. Эсрэгээрээ энэ хугацаанд түмэн булхайгаа дэлгүүлж, төрийн төмөр нүүртэй нүүр тулсан нь ч олон байгаа. Сонгууль дөхөж, сонгогчдын дүн тавих цаг ойртсоор... 

• Банк, санхүүгийн тэргүүний ажилтан Ганибалын Амартүвшин. Хан-Уул дүүргээс сонгогдсон.
• Тэрбээр “Монгол HD” телевизийн “Шарк танк” нэвтрүүлгээр олны танил болсон.
• Билгүүн номч Б.Ринчений зээнцэр. Харин аав нь гадаад яамны нэртэй ажилтан, дипломатч байв.

• Г.Амартүвшинг Нидерландын иргэншилтэй гэх цуу их гардаг. Тэгвэл түүний эхнэр Б.Дэлгэрмаа Нидерландын Хаант Улсаас Монгол Улсад суух Өргөмжит консулаар өнгөрсөн онд томилогдсон.

• Харин Г.Амартүвшин эхнэрээ бизнес эрхлэгч эмэгтэй гэж танилцуулсан. Энэ нь түүний эхнэр  Монголд Louis Vuitton-гийн салбарыг нээсэнтэй холбогдож бас болох юм.
• Анхны эхнэр нь Америк хүн байдаг. Тэд мөн л  дундаасаа хоёр ихэр охинтой гэх яриа бий.
• Тэрбээр 2015 оноос дугуйн спортоор хичээллэж байгаа бөгөөд олон улсын чанартай тэмцээн уралдаануудад оролцож байв. Тархи амардаг гэж үздэг.

• Атар талханд дургүй. Урт өнгө алагласан оймсонд дуртай.

• Гоё хоол хийдэг. Ер нь гэрийн ажилд муугүй. Голландад ажиллаж байхдаа 7 хоног бүр бизнес аялал хийдэг байсан аялагч.
• 33 тэрбумын зээл буюу Хөгжлийн банкны гэх асуудалд яллагдагчаар татагдаад байсан ч, хэрэг нь хэрэгсэхгүй болсон. Уснаас хуурай гарсан тэрбээр шүүх хурлын дараа сонгогч, дэмжигчдээ эргэлзээнд оруулсан гэж үзэж хүлцэл өчсөн.