ОХУ-аас Хар тэнгис дэх Украины боомт руу зорчиж буй бүх хөлөг онгоцыг дайны нэг хэсэг буюу Украин руу зэвсэг тээвэрлэж буйд тооцно хэмээн мэдэгдлээ.
Оросоос “Хар тэнгисийн үр тарианы гэрээ”-г цуцалсны дараа Укриан үр тарианы экспортыг үргэлжлүүлэхийн тулд түр зуурын тээвэрлэлтийн маршрут тогтоохоо мэдэгдсэн.
Харин ОХУ-ын Батлан хамгаалахын яамнаас Украин руу зорчиж буй бүх олон улсын хөлөг онгоцыг Киевийн өмнөөс зэвсэг тээвэрлэж байж болзошгүйд тооцно гэв. Гэхдээ тус хөлгүүдэд ямар арга хэмжээ авах талаар дурдаагүй байна.
Оросын Ерөнхийлөгч Владимир Путин тодорхой шаардлагуудыг биелүүлэхгүй л бол “Хар тэнгисийн үр тарианы гэрээ”-нд эргэн нэгдэхгүй гэдгээ илэрхийлсэн. Үүнд нь Оросын бордоо, хүнсний экспорт дэлхийн зах зээлд хүрч чадна гэсэн баталгаа гаргуулах шаардлага багтжээ.
АНУ болон Европын холбооноос ОХУ-ын дээрх шийдвэрийг түүхий эд экспортлох шаардлагад хориг тавьж байна гэж үзсэн юм. Харин Украины ерөнхийлөгч “Оросын оролцоогүйгээр үр тарианы экспортыг үргэлжлүүлнэ” гэдгээ мэдэгдэв.
