Ерөнхий сайд Л.Оюун-Эрдэнэ "Херо энтертайнмент" групп ХХК, "Хүлэг контент" ХХК-д 50-100 хувь эзэмшдэг. Үүнийгээ тэрбээр ХОМ-тээ байнга л өчдөг. Энэ удаа ч ялгаагүй өнөөх хоёр компанидаа л хувьцаа эзэмшдэг хэмээжээ.
"Херо Энтертайнмент’' групп ХХК нь төсвийн хөрөнгө оруулалт, зээл тусламж, хөнгөлөлттэй хэрэгжих төслүүд, худалдан авах ажиллагааны аливаа тендерт оролцож байгаагүй гэж мэдэгдэж байсан. Мөн ковид цар тахлын 2020, 2021 оны “Би Монгол хүн” цахим наадам нэртэй видео агуулгуудыг бүтээж наадамчин олонд толилуулахдаа улсын төсөв, наадам зохион байгуулах зардлаас санхүүжилт аваагүй, нийгмийн хариуцлагын хүрээнд үнэ төлбөргүй хийсэн гэх баян компани билээ.
Харин “Хүлэг контент “нь бизнесийн чиглэлээр зөвлөгөө өгөх зөвшөөрөлтэй компани бөгөөд захирлаар нь түүний гэргий Б.Туул ажилладаг. Мөн 2021 онд 100 орчим сая төгрөгийн хадгаламжтай байсан ч 2022 онд 26 сая болтлоо буурсан гэжээ.
