УИХ-ын чуулганы үдээс хойших хуралдаан Боловсролын ерөнхий хуулийн төсөлтэй хамт өргөн мэдүүлсэн Дээд боловсролын тухай, Судалгааны их сургуулийн эрх зүйн байдлын тухай болон Мэргэжлийн болон техникийн боловсрол, сургалтын тухай хуулийн шинэчилсэн найруулгын төслүүдийн анхны хэлэлцүүлгийг хийж байна.
Энэ үеэр УИХ-ын гишүүн Н.Учрал "Их хурлын чуулганы дэгийн хуулийн 14.10 дээр гишүүн хэлэлцэж байгаа асуудалтай шууд холбоотой үйл ажиллагааны, үр дүнд өөрөө болон гэр бүлийн гишүүд нь орлого олж байгаа эсхүл бусад хэлбэрээр ашиг сонирхлын зөрчилтэй бол энэ тухай хуралдааны даргалагчид урьдчилан мэдэгдэж, санал хураалтад оролцохгүй байх гэсэн хуулийн зохицуулалттай.
1994 оноос хойш миний аав дээд боловсролын салбарт хувийн сургууль байгуулж өнөөдрийг хүртэл үр бүтээлтэй ажиллаж байгаа. Энэ сургуулийг төгссөн 30 гаруй мянган төгсөгчид байна. Мөн дээрээс нь 2010 онд би "Рояал" дээд сургуулийг байгуулсан. Тийм учраас Дээд боловсролынхууль дээр би ашиг сонирхлын зөрчилтэй байгаа тул санал хураалтад оролцохгүй гэдгээ дэд дарга танд мэдэгдэж байна" гэлээ.
