Чуулганы нэгдсэн хуралдаан үргэлжилж байна. Өнөөдрийн Хуралдаанаар "Авлигатай тэмцэх үндэсний хөтөлбөр батлах тухай" Улсын Их Хурлын тогтоолын төслийг хэлэлцэж байна.
Энэ үеэр УИХ-ын гишүүн Б.Баттөмөр "Авлигын эсрэг олон асуудлыг хөндөж тавьсан байна. Үүний дагуу олон хууль тогтоомжид өөрчлөлт орох нөхцөл байдал үүсэж байна. Сонгуулийн үеэр санал худалдаж авдаг. Сонгуулийн бус үеэр өөртөө татах олон асуудлыг эрх зүйн орчинд боловсронгуй болно гэж авч үзсэн байна.
Өнөөдөр УИХ-аар Улс төрийн намуудын тухай хуулийг хэлэлцэж багцлах түвшинд явж байна. Энэ дээр намын санхүүжилтийг ил болгох чухал асуудал хөтөлбөрт орсон байна. Мөн Төрийн албан хаагчдын ёс зүй, ёс зүйг төлөвшүүлэх, соён гэгээрүүлэх ажлыг хүчтэй болгох хэрэгтэй. Авлигын эсрэг тэмцэх гол үндсэн ажил болно гэж үзэж байна. Сүржин эхэлсэн "Шүгэл үлээгч"-ийн тухай хууль сүүлийн үед чимээгүй болчихлоо. Энэ хуулийг зайлшгүй баталмаар байна. АТГ тэмцэх нь дан ганц АТГ-ын ажил биш" гэлээ.
