Таны бодлоор Улсын драмын театр яг ямар байх ёстой вэ? Олон улсын жишигт нийцсэн орон орны Драмын театр яг ямар байдаг бол гэж бодож үзсэн үү? Нэгэн хэвийн шамбааралдсан байдалдаа бид эсвэл дасчихсан хүмүүс үү!!!
Монгол улсын хувьд улсдаа нэг л драмын театртай бөгөөд тэр нь социализмын үед баригдсан барилга. Орос загвартай Монгол улсын үндэсний хэв шинж ороогүй гээд л дутагдалтай талаар нь бичээд байвал дуусахгүй биз.
Бүтэн 92 жилийн түүхтэй, музейн дурсгал болчихсон театрын гаднах талбайг бүүр дурсаад ч хэрэггүй. Хотын төвд байрлах, жуулчдын гол цэг болсон театрын гадна зогсоол дүүрэн машинууд байршиж байсныг хэн бүхэн мэднэ. Тэгвэл 2022 онд УДЭТ-ын гаднах талбайг тохижуулахаар 953.5 сая төгрөг баталсан байдаг. Энэ ажлын хүрээнд талбайн тохижилтын ажил эхэлсэн ч иргэдийн эсэргүүцэлтэй тулгарлаа гэдэг нэрийдлээр зогсож байна. Нөгөө талаараа сошиалаар ажлаа явуулдаг дарга нарын тушаал шийдвэр бололтой юм.
Зарим иргэд хайран машины зогсоол гэж халаглаж байгаа нь хачирхал төрүүлмээр. Угтаа 50 хүрэхгүй автомашин зогсдог уг зогсоолд хажуугаар нь өнгөрөх иргэд гэхээсээ илүү тэр хавийн үйлчилгээ эрхэлдэг баар, пабынхан л машинаа байршуулдаг нь тодорхой байхад шүү дээ.
Мөн УДЭТ-ынхан эсэргүүцэх үндэслэл бүр байхгүй.Учир нь тэд театрынхаа ард талд зогсоолтой. Тэр утгаараа тохижилт, шинэчлэлт хийнэ гэхэд хамгийн ихээр дэмжиж байсан гэлцдэг.
Улсын төв цэгт байрлах театр. Тэр алтан тайз. Зорин очсон хүмүүсийн хүндэтгэлийн газар. Тэр бүү хэл театраа хүндэтгэсэн хүмүүс машинаа хол тавиад алхаж ордог этик гадныханд бий. Гэтэл Монгол улсын дарга нар сонгуулийн өмнөх жил асуудал үүсгэхээс айсан уу, сошиалаар ажлаа явуулдагаа нотолсон уу, ямартаа ч тохижилтын ажлыг нурааж, бусниулав. Энд мөн татвар төлөгчдийн мөнгө, төсөв гээч зүйл яригдана.
“Ам нээвэл уушги нээ” гэдэг шиг дэлхийн театруудын гаднах талбай ямар байдгийг доорх зургуудаас харцгаая.
Оросын Москва хотын төв театр /1825 он/
Австралийн Сидней хотын төв театр /1973 он/
Данийн Копенгаген хотын их театр
Нью-Йоркийн Линкольн центр
Францын Парис хотын төв театр /1875 он/
