УИХ-ын чуулган Улс төрийн намын тухай хуулиар үргэлжилж байна.
Хуулийн төсөлд намууд бүртгүүлэхдээ шууд Улсын дээд шүүхэд материалаа өгч бүртгүүлэх заалтыг тусгажээ. Мөн намыг идэвхгүйд тооцохтой холбоотой асуудлыг тусгасан байна. Улс төрийн намыг гурван үйл ажиллагааных нь заалтаар идэвхгүй намд тооцох аж.
Энэ үеэр УИХ-ын гишүүн О.Цогтгэрэл дараах байр суурийг илэрхийллээ. Тэрбээр "Улс төрийн намын тухай хуулийн төсөлтэй холбогдуулан хоёр гол зүйлийг тодотгож хэлэхийг хүсэж байна. Монгол Улс намжсан тогтолцоотой орон болчихлоо. Парламентийн засаглалтай улсад нам чадавхтай байх ёстой. Гэхдээ өнөөдөр Хятад улсын Коммунист намын гишүүдийн тооноос ардчилсан Монгол Улсын албан ёсны хатуу гишүүнчлэлтэй намын гишүүдийн тоо илүү гарсан. Энэ хуульд хатуу гишүүнчлэлээс татгалзах байр суурийг АН илэрхийлж байгаа" гэв.
