УИХ-ын чуулган Улс төрийн намын тухай хуулиар үргэлжилж байна.
Хуулийн төсөлд намууд бүртгүүлэхдээ шууд Улсын дээд шүүхэд материалаа өгч бүртгүүлэх заалтыг тусгажээ. Мөн намыг идэвхгүйд тооцохтой холбоотой асуудлыг тусгасан байна. Улс төрийн намыг гурван үйл ажиллагааных нь заалтаар идэвхгүй намд тооцох аж.
УИХ-ын гишүүн С.Ганбаатар “Европд төр, шашин хамт байсны учраас Загалмайтны хэдэн зуун жилийн дайн болсон. Төр, шашныг салгасан чинь дайн өргөс авсан юм шиг алга болсон. Төрийн өмчийн компаниудын захирлуудыг намын томилгоогоор тавьдаггүй болох зүйл хуулинд тусгагдсан уу. Намын дарга намын эзэн болчихсон явдал 30 жил үргэлжиллээ. Уг нь намын гишүүд эзэн нь байх ёстой. Жижиг намууд халаасандаа тамгатай, хувийн компани шиг юмнууд явдаг. Энэ тэнэглэлүүдийг зогсоох ямар механизмууд орсон бэ. Том, жижиг намын дарга нар биеэ үнэлэгчид болчихсон шүү дээ. Энэ аймшигтай зүйл яаж арилах вэ. Манайд сонгууль “дэгээддэг” уралдаан болсон” гэлээ.
Ажлын хэсгийнхэн “Намын хууль бол эвлэлдэн нэгдэх хууль юм. Намын дарга намын эзэн болох явдлыг болиулах хэд хэдэн зүйл тусгагдсан” гэж онцлов.
