“Хөгжлийн банк”-ны гэх хэргийн шүүх хурал өнгөрсөн дөрөвдүгээр сарын 17-ноос хойш 47 хоногийн турш үргэлжиллээ. Уг хуралд УИХ-ын гишүүн Г.Амартүвшин яллагдагчаар татаад байсан юм.
Шүүхийн шийдвэртэй холбоотойгоор тэрбээр дараах байр суурийг илэрхийллээ.
Шүүх хуралдаан өнөөдөр үнэн, зөвөө ялгаж шийдвэрээ гаргалаа.Миний бие намайг болон Х.Ганхуяг гишүүнийг гэм буруугүй гэж цагаатгалаа. Гол нь энэ шүүх бүрэлдэхүүн, яг энэ шүүхэд гарсан нотлох баримт болон бусад мэдээлэлд үндэслэж миний зүгээс шударга шийдвэр гаргалаа гэж үзэж байна. Бараг жилийн өмнө би Хөгжлийн банкны хэрэгтээ холбоотой өөрийгөө шалгуулъя гэж мэдэгдэл хийж байсан. Одоо ингээд шүүхийн шийдвэр гараад би гэм буруугүйгээ нотлоод, цагаатгагдсандаа маш их баяртай байна. Мэдээж хэрэг гэр бүл, найз нөхөддөө чин сэтгэлээсээ талархлаа илэрхийлье. Мөн сонгогч, дэмжигчдээсээ хүлцэл өчье. Энэ хугацаанд сонгогчдоо эргэлзээнд оруулж, хэцүү байдалд оруулсандаа хүлцэж өчиж байна. Хэрэг урт хугацаанд явагдлаа. Олон оролцогчтой шүүх хурал боллоо. Ямарч байсан Монгол Улсын шүүх зөв шийдвэр гаргалаа гэж миний бие харж байна.
