“Хөгжлийн банк”-ны гэх хэргийн шүүх хурал өнгөрсөн дөрөвдүгээр сарын 17-ноос хойш 47 хоногийн турш үргэлжиллээ. Уг хуралд УИХ-ын гишүүн Н.Алтанхуягийг яллагдагчаар татаад байсан юм.
Шүүх хурлын дараа Н.Алтанхуяг дараах байр суурийг илэрхийллээ.
-Хамаагүй улстөржөөд яахав. Ямарч байсан хоёр сар гаруйн хугацаанд Хөгжлийн банкны шүүх хурал гээд явлаа. Юуны өмнө шүүх хурлыг олон түмэнд нээлттэй явуулж өгсөн шүүгчдэд баярлалаа гэж хэлмээр байна. Хоёрдугаарт, гэм буруугүй гэж тогтоож өгсөн шүүгчиддээ баярлалаа.Шүүх хурал дээр дөрвөн компани яриад байдаг юм. Энэ дөрвөн компанийг хасчихвал 80 хүн байгаа. Эдгээр хүмүүсээс 48 нь хэрэг хийгээгүй гээд цагаатаж байна. Тэгэхээр зовлон үзсэн хүний хувьд хэлмээр байна.
Хэвлэл мэдээллээр өндрийг нь авахуулж, шуугиж, улс орон даяар давалгаалж, тэднийг ал, бууд гэхчлэн янз бүрийн юм явуулдаг. Ийм хүнд нөхцөлд, шүүгчдийн өмнө сууж, юмны үнэн мөнийг олох гэж суулаа. Тэр утгаараа шүүгчиддээ баярлалаа. Цаашдаа хууль хяналтын байгууллагууд дээр анхаармаар юм байна. Хэргийг бөөнөөр нь ингэж баглаж оруулж болохгүй. Хөгжлийн банкны хэрэгт толгойлогч болгох зорилготой хэдэн улстөрчдийг би нэрлэсэн байгаа.
