Нийгмийн даатгалын багц хуулийн төслийг хэлэлцэж байна. Тэтгэвэр болон тэтгэмжийн тухай асуудлыг багц хуулийн төсөлд оруулж иржээ.
УИХ-ЫН ГИШҮҮН П.АНУЖИН:
Тэтгэвэр өвлөгдөх талаар энэ хуулинд тодорхой заасан байгаа. Нэрийн дансыг мөнгөжүүлж, нэрийн дансан дээр байгаа мөнгөн хуримтлалаа иргэн 2030 оноос зарцуулах бүрэн эрх нь үүсч байгаа.
Улсаас авч байгаа татаас нь их, нийгмийн даатгалын сан алдагдалтай гээд байгаа. Энэ жил нийгмийн даатгал алдагдалгүй гарсан. Улсын татаас гэж яриад байгаа нь өрөөсгөл байна. Нийгмийн даатгалын тогтолцоо өөрөө сайн байсан. Хуваарилалт биш хуримтлалын тогтолцооруу шилжих гэж байгаа шинэчлэл, реформ.
УИХ-ЫН ГИШҮҮН Б.БАТТӨМӨР:
Ниймгийн даатгалын сан улстөрөөс ангид баймаар байна. Гэтэл улсаас татаас авч байгаа тохиолдолд яаж ангид байх юм бэ.
УИХ-ЫН ГИШҮҮН О.ЦОГТГЭРЭЛ:
Нийгмийн даатгал гэдэг чинь төсөв хэмжээгээрээ ирээдүйгээс эрсдлээ хамгаалдаг. Гэтэл манайд ийм юм алга. Даатгал биш татвар ч юм шиг. Хэдэн хүүхэд, аль бүлэг, ажил мэргэжлээр нь шимтгэл авдаг зэргийг нь харахад халамжийн газарч юм шиг. Ер нь хурааж хуримтлуулсан улсын эсхүл төрийн мөнгө гэж байхгүй ш дээ. Хуучин тогтолцоо яг хэвээрээ байгаа хэрнээ реформ гэж яриад байх юм. Реформын шинжтэй ямар нэг зүйл алга. Даатгал, татвар, халамжаа холиод базчихсан юмыг реформ гэлээ.
