БЗС-гийн мэдээллийг ил болгож, нийгэмд багагүй шуугиан дэгдээгээд байна. Зээл авсан хүмүүс дунд Ерөнхийлөгчийн зөвлөх, Засгийн сайд, дарга нар, УИХ-ын гишүүд, үр хүүхдүүд нь цаашлаад аймгийн Засаг дарга, дүүргийн удирдлагууд ч багтаж байгаа юм.
Тухайлбал, Баянгол дүүргийн Засаг дарга асан Ө.Сумъяабаатар 2008 онд АНУ-ын Брижпортын их сургуульд суралцахаар БЗС-гаас 32 мянган ам.долларын зээл авч байжээ. Үүнийг одоогийн ханшаар тооцож үзвэл, тэрбээр 110 сая төгрөгтэй дүйцэх хэмжээний зээл авч гадаадад суралцсан гэсэн үг юм.
2008 онд магистрт сурахаар зээл авсан гэхээр өдгөө тав дахь жилдээ болж байна. Гэвч гэрээ хэрэгжиж байгаа буюу гэрээний үүргээ биелүүлээгүй гэж үзээгүй байгаа нь сонин байна.
