БЗС-гийн мэдээллийг ил болгож, 1997-оос хойшхи зээлийн бүх дүнг нэгтгэж зарлаад буй. Гэвч тус сангаас зарим улс төрчид болон тэдний хамаарал бүхий хүмүүс зээл авч суралцсан болох нь ил болж, олон нийтээс ихээхэн шүүмжлэлийг хүртээд буй юм. Тухайлбал, Ерөнхийлөгч У.Хүрэлсүхийн үе үеийн зөвлөхүүд энэ сангаас зээл авсныг танилцуулж байна.
Ерөнхийлөгч У.Хүрэлсүхийн соёл, шашны бодлогын зөвлөх Д.Бум-Очир Английн Кембрижийн их сургуульд суралцахад БЗС-гаас 48 мянган ам.доллар буюу одоогийн ханшаар 165 сая төгрөгтэй дүйцэхүйц хэмжээний зээл авч суралцжээ.
Ерөнхийлөгч У.Хүрэлсүхийн ахлах зөвлөх буюу Хүний эрх, иргэний нийгэм, залуучуудын бодлого хариуцсан зөвлөхөөр ажилладаг С.Лүндэг нь 2012 онд АНУ-ын Стрэйерийн их сургуульд суралцахаар БЗС-гаас 32 мянган ам.долларын зээл авсан
Ерөнхийлөгч У.Хүрэлсүхийн Байгаль орчин, ногоон хөгжлийн бодлогын зөвлөх Ц.Пүрэвхүү АНУ-ын Өмнөд Калифорний их сургуульд 2013 онд олон улсын бизнес худалдаа чиглэлээр буюу тэргүүлэх бус чиглэлээр сурсан ч 32 мянган ам.долларын зээлээ тэглүүлсэн.
