Улс төрд орчих гээд л сонгууль болгоноор үзээд үзээд нэмэр байдаггүй нэг хүн байна. Сонгуульд ялагдал хүлээж аргаа барахдаа төрсөн нутгаа зорьж нэр дэвшсэн ч нутгийн зон олон нь ч түүнийг нааштай хүлээж аваагүй. Ингээд бодохоор А.Отгонбаатар улс төрч биш гэхдээ хандалт өндөртэй, олны хараал, ерөөлийг хангалттай хүртчихдэг хүн.
Нэг юмны үзүүрээс атгаад тууштай байвал эцэс сүүлд нь сайн үр дүнд хүрнэ гэж ярьдаг. Гэвч Отгонбаатар улс төрийн карьераа тууштай хөөсөн ч улс төр түүнийг хүссэнгүй. Ер нь урлагийн хүн болж кинонд тогловол бараг л ирээдүйтэй явах байх. Учир нь түүний улс төрийн сэдэл өөрийнх нь найруулсан эмгэнэлт драм болж байгааг чөтгөр хүртэл мэдэхээр болжээ.
Тэгвэл 5Ш ажиллагааны хүрээнд Боловсролын зээлийн талаарх мэдээлэл ил болсон. Юунаас ч дутаж үзээгүй А.Отгонбаатар энэ талаар өөрийн цахим хуудсандаа нийтэлжээ. Тэрбээр, “Намайг Их сургуульд сургах гэж ээж минь банкны өндөр хүүтэй зээл авсан. Даргын хүүхэд төрөөс хүүгүй зээл аваад эргэж төлөөгүй” гэжээ.
