Боловсролын зээлийн сангаас зээл авч гадны орнуудад сурсан томчуудын хүүхдүүдийн талаарх шуугиан намжаагүй байна. Тэдний нэг бол УИХ-ын гишүүн Т.Доржхандын хүү Д.Эрдэм. Боловсролын зээлийн сангаас 33500 ам.долларын зээл аваад эргэн төлөөгүй гэх асуудал үүсээд байна.
Тэгвэл энэ талаар УИХ-ын гишүүн Т.Доржханд байр сууриа илэрхийлжээ. Тэрбээр “Хүү маань 2019 оны дэлхийн 2-т эрэмбэлэгдсэн Кембриджийн их сургуульд элсч, журмын дагуу түүгээрээ зээл авсан нь үнэн.
2020 онд аав нь УИХ-ын гишүүн болсон тул өөрийн санаачилгаар зээлээ зогсоосон. Мөн мөнгөө цуглуулж төлбөрөө өөрөө барагдуулна, та битгий оролцоорой гэсэн шийдвэрийг нь аавын хувьд дэмжиж байгаа.
Ажилд орсон цагаасаа хойш мөнгөө цуглуулж, мөн холбогдох газарт нь хандаж төлөхөө мэдэгдсэн байна. БЗС зээлийг буцаан төлүүлэх нь зөв” гэжээ.
