Засгийн газрын ээлжит хуралдааны дараа ХНХ-ын сайд Х.Булгантуяа мэдээлэл хийж байна.
ХНХ-ын сайд Х.Булгантуяа: "Салбарын хууль илүү ээлтэй батлагдвал илүү өндөр цалин хангамж нэмэгдэл авдаг. Заримдаа салбарын яам, УИХ-ын гишүүдээс санаачлан цалин хангамжийг өөрөөр тогтоогоод байна.
Орон нутагт үйл ажиллагаа явуулж байгаа төсвийн байгууллагуудад төсвөөс 20 хувь, 80 хувь хүртэл өөрсдийн төсвөөс нэмж санхүүжүүлдэг болсон. Орон нутагт үйл ажиллагаа явуулж байгаа босоо удирдлагатай байгууллагуудын нэмэгдэл нь хэвтээ удирдлагатай байгууллагуудаас бага байна. Энэ нь төрийн албан хаагчдын хувьд бухимдал үүсгэсэн.
Нийслэлийн төрийн албан хаагчдын цалин орон нутгийнхаас өөр болсон. Шатлал ондоо болсон нь мөн л бухимдал үүсгэж байна.
Бид нэн түрүүнд төрийн үйлчилгээний албан хаагчдын хэт ялгаатай байдлыг нэгтгэж тэгшитгэх ёстой гэсэн байр суурьтай байна. Цаашид төрийн албан хаагчдын цалингийн тогтолцоог сайжруулахгүй хэрэгтэй байна.
Төсвийн тодотголоор нэн түрүүнд эрүүл мэнд, соёл, биеийн тамирын салбарын цалинг тэгшитгэж нэмнэ. Бид ялангуяа хамгийн доод хэмжээг тэгшитгэж аваачна. Соёлын салбарын доод хэмжээ 500-600 мянга орчим байгаа бол шинжлэх ухааны салбарынхны цалингийн доод хэмжээ 780-800 орчим мянган төгрөг байна.
Тэтгэвэр дээр бид тооцоо судалгаа хийж байна. Тэтгэврээс доогуур хэмжээтэй цалин авч байгаа төрийн албан хаагч ч байна" гэлээ.
