Өнгөрсөн долоо хоногт гишүүд тойрогтоо ажиллаж, УХНӨ-ийн хүрээнд олон нийтээс саналыг нь авсан. Улмаар өчигдрөөс УИХ дахь намын бүлгүүд хуралдаж гишүүдийн тоог нэмэгдүүлэх, сонгуулийн тогтолцооны өөрчлөлт, нийгэмд тулгамдаж буй асуудлуудыг хэрхэн шийдвэрлэх талаар хэлэлцсэн.
Тэгвэл МАН-ын бүлэг өчигдөр орой дахин хуралдаж гишүүдийг тоог 126, тогтолцоог 60:40 дээр тохирсон байна. Сөрөг хүчин ч мөн энэхүү агуулгыг дэмжиж байгаа бололтой.
Олон нийтийн зүгээс УИХ-ын гишүүдийн тоог 152-оос буулгах санал давамгайлж байгаа талаар эрх баригч намын бүлгээс өчигдөр мэдээлсэн. Тэгвэл өнөөдөр УИХ-ын Байнгын хороод хуралдаж, Үндсэн хуулийн нэмэлт өөрчлөлтийг хэлэлцэнэ. Мөн пүрэв, баасан гаригт УИХ-ын чуулганы нэгдсэн хуралдаанаар хэлэлцэх юм.
