УИХ-ын гишүүд ҮХНӨ хийж гишүүдийнхээ тоог нэмэхээр иргэдтэй уулзалт хийж бухимдлыг төрүүлсэн өдрүүд өнгөрч байна.
БГД-т ч мөн ижил уулзалт боллоо. БГД-ийн иргэн, сэтгүүлч хүнийхээ хувьд тус уулзалтыг сонирхож очлоо. Өргөн хэрэглээний барааны үнэ өдөр болгон нэмэгдэж амьдралд нь хаана ч хүрэхгүй байгаагаа зааланд цугларсан хүн бүр ам уралдан шүүмжилж байгаа харагдав.
Ахмадууд тэтгэврээрээ талхаа авах уу? эм тариагаа авах уу? гэсэн сонголтод байна гэж цөхөрсөн хоолойгоор гишүүдэд хандан хэлж байв. Асуудлаа хэзээ ч ил гаргадаггүй МАН хүртэл энэ удаад хагарлаа барьж чадахгүй байгаа нь харагдаж хоёр хуваагдаж.
БГД-ийн МАН-ынхан Дүүргийн засаг даргаа 2 ч удаа огцруулах гэж оролдсон. Даргаа "дарах" гэж маргалдах хооронд хийгдэх ажлууд хойшилж, хороон засаг дарга нар ажлын байрандаа байдаггүй, Баянгол дүүрэг хогондоо дарагдан эзэнгүй айл шиг л байгаа талаар иргэд ам уралдан ярьцгааж байлаа. С.Эрдэнэ, С.Одонтуяа нарыг засаглаж байх үед Баянгол дүүрэг арай ч ийм байдалд хүрч байгаагүйг МАН-ын жирийн гишүүд нь хоорондоо шивнэлдэцгээж байв. Аргагүй дээ гуравхан жилийн өмнө хоггүй, эмнэлэг нь иргэддээ хүрэлцээтэй, хүүхдүүд нь сургууль, цэцэрлэгт бүрэн хамрагддаг Нийслэлийн бусад дүүрэгтэй харьцуулбал юм юмтай хамгийн сайхан Амар тайван Баянгол дүүрэг өнөөдөр "аймаар замбараагүй" БГД болж.
