Шилэн ажиллагааны өнөөдрийн ДУГААРТ нийслэлийн газар нутгийг хэний аж ахуй нэгжүүд, хэзээнээс ямар зориулалтаар эзэмшихээр авч байсан, энэ нь аль Засаг даргын үед явагдсан гээд олон ноцтой асуудлууд дэлгэгдлээ.
ЦЭГ үүнийг цувралаар танилцуулж байна. Хамгийн их талбайтай аж ахуй нэгжүүдийн эхний хоёрт Б.Баатармөнхийн "Ньюком” болон түүний охин компани “Дэвко” оржээ. Эдгээр компаниуд эрх баригч намд 22 жил эрхэлсэн Н.Энхболдтой зайлшгүй холбогдоно.
Тодруулбал, УИХ-ын гишүүн Н.Энхболдын эхнэр Д.Даваамаа нь Монголын тоотой том компаниудын нэг болох "Ньюком групп”-ийн охин компаниуд удирдаж яваа. Чухамдаа, "Ньюком групп”-ийн "босс”-уудын нэг.
"Ньюком групп” бол "Мобиком корпораци”-ийг эзэмшигч толгой компани. Гэхдээ "Нью ком” компанийн үйл ажиллагааг зөвхөн "Мобиком”-оор төсөөлж болохгүй.
Тухайлбал, Н.Энхболдын эхнэр Д.Даваамаа "Ньюком групп”-ийн "Ньюком проперти” ХХК, "Харти” ХХК, "Цэнгэг хүрээ” ХХК зэрэг охин компаниудыг нь удирддаг. Эдгээрээс гадна "Ньюком групп”-ийн харьяанд дээр дурдсан "Дэвко” ХХК бий.
