Өнөөдрөөс Shilen.gov.mn дээр үе үеийн Хотын дарга нарын газар олгосон мэдээллийг ил болгож эхлээд байна.
Үүнээс сонирхол татаж байгаа хэд хэдэн мэдээллийг бид цувралаар хүргэж байна. Тухайлбал, гадаадын иргэн Монгол улсын газар нутгаас багагүй хэмжээний га газрыг эзэмшдэг болох нь ил болжээ. Өөрөөр хэлбэл, хамгийн их талбайтай ААН-үүдийн эхний эгнээнд Ю Пи Си гурван сайхан лэнд холдингс, Ю Пи Си дэргэр цогт лэнд холдингс, Ю Пи Си сайн цагаан лэнд холдингс, Ю Пи Си дэрэн лэнд холдингс, Ю Пи Си адаацаг лэнд холдингс гэж нэрээ өөрчлөн Монголын газар нутгийн өнцөг булан бүрт газар эзэмшсэн гадаадын иргэн байна.
Эдгээр компаниудын эцсийн өмчлөгч нь Sutherland andrew john гэж нөхөр. Тэрбээр Дундговь аймагт л гэхэд 1.287.672 га, 741,222 га, 566,555 га, 545,183 га, 405,655 га талбайг эзэмшдэг байна.
