Маск продакшны жүжигчин П.Эрдэнэзаан хошин урлагийн чадварлаг жүжигчдийн нэг. Ер нь жүжигчдийг тайз, дэлгэцийн жүжигчин гэж хоёр хувааж ангилах тохиолдол байдаг. Тэгвэл жүжигчин П.Эрдэнэзаанд тайзны ч, дэлгэцийн ч чадвар оршдог. Тайз дундаа инээдэм, эмгэнэлт драмд тултал нь жүжиглэж, бүжиж чадах нь төрөлхийн жүжиглэх чадвартай гэлтэй.
Цоо шинэ бүрэлдэхүүнээр эргэж ирсэн “Яг түүн шиг” шоуны ээлжит улирлын хоёр дахь дугаарт жүжигчин Заанаа гуай ялалт байгууллаа. Оролцож байгаа олны танил хүмүүсээс хамгийн хөгшин нь ч гэсэн бусдын ард хоцрохгүй хамгийн их бэлтгэл хийдэг оролцогчоор тодроод байгаа билээ. Тэрээр өчигдрийн шоун дээр гал тавьсан үзүүлбэр үзүүлж ялагчийн цомыг гартаа атгалаа. “Охид маань энэ шоунд оролцоно гэхэд ихээхэн дэмжсэн” гэж хэлэх түүний үг олон хүмүүсийн сэтгэлд үлдсэн гэдэгт итгэлтэй байна.
