АН-ын дарга Л.Гантөмөрийг дүрмийн дагуу үйл ажиллагаагаа явуулахыг шаардаж тус намын "Эрх чөлөөний төв"-өөс мэдээлэв.
Энэ үеэр АН-ын гишүүн А.Цэрэнбат мэдээлэл өглөө.
Тэрбээр, “Ардчилсан намд үндсэн дүрэм байдаг. Л.Гантөмөр дарга ажлаа аваад 100 хоног болсон. Гэтэл намын хоёр гишүүн шоронд суугаад гараад ирлээ. Ардчилсан нам гишүүдийнхээ эрхийг хамгаалж чадахгүй байхад эдийн засаг, үндсэн хуулийн хэрэгжилтийг хангаж чадах уу. Бид үндсэн дүрмээ сахь гэж шаардлага хүргүүлж байна. Дүрмийн бус бүлэг гарч ирж байна. Эдгээр бүлэг Л.Гантөмөрийг шахалтад оруулж байна” гэв.
Үргэлжлүүлэн, АН-ын дотоод сонгуулийн хорооны дарга Х.Алтанхуяг мэдээлэл өгөв.
Тэрбээр, "Ардчилсан намын дүрэм маш их зөрчигдөж байна. 9 дэд дарга, 9 нарийн бичгийн даргатай болох гэж байна. Намын даргыг дүрмийн бус шахалтаар ажиллуулах гэсэн Ардчилсан намын зарим гишүүд маш их амбицтай байна. Дарга биш менежертэй болох хэрэгтэй. Дарга хүн ажил хийхгүй. Менежер хүн ажил хийнэ. Түүнээс биш шувуу малын нэртэй клубууд хэрэггүй. Бүтцийн асуудлаа ахин харж, иргэд рүү чиглэж ажиллах хэрэгтэй. Л.Гантөмөрийг бусад клубууд хүчирхийлээд эхэлсэн" гэв.
