Завхан аймгийн Идэр сумын Загастай багийн "Пойлны хэсэг" гэдэг газар /аймгийн товоос зүүн зүгт 85 км, сумын товоос зүүн зүгт 12 км/-т Суудлын автомашин, ачааны автомашинтай мөргөлдөж автомашины эд ангид 2 хүн хавчуулагдсан тухай дуудлагыг 5 сарын 11-ний өдрийн 04:34 цагт хүлээн авсан.
Тус аймгийн Онцгой байдлын газрын Эрэн хайх, аврах бүлгийн алба хаагчдыг очиход Асгат сумаас Завхан аймгийн Улиастай сумын чиглэлд зорчиж явсан "Хьюндай Маяти" загварын ачааны автомашин, "Митцубиши Делика" загварын суудлын автомашинтай мергелдож зорчигч иргэн Т /34 настай, эрэгтэй/, Б нар автомашины эд ангид хавчуулагдсан байсныг 25 минут ажиллаж эсэн мэнд гарган тус сумын их эмчид хүлээлгэн өгсөн байна.
