Өнгөрсөн амралтын өдрөөр уран гулгалтын гайхамшгаар амьсгалж өнгөрлөө. Дэлхийн хэмжээний уран гулгагчид манай улсыг зорин өөрсдийн чадварлаг үзүүлбэрүүдийг ар араасаа үзүүлсэн юм.
Тэгвэл Оросын уран гулгагчид улс орнуудын урилгаар шоу тоглолтуудыг зохион байгуулдаг. Аль ч улсад шоу хийсэн тухайн улсынх нь уран гулгагчийн үзүүлбэрээр тоглолтыг нээдэг уламжлалтай аж. Энэ уламжлалын дагуу Монголын анхны мэргэжлийн уран гулгагч Отгонбаатарын Мишээл мөсөн шоуны эхний үзүүлбэрийг тавилаа. Найм дахь жилдээ энэ спортоор хичээллэж буй О.Мишээл АНУ-д сурч, амьдардаг бөгөөд 2019 онд АНУ-ын бүсийн аварга шалгаруулах тэмцээнд амжилттай оролцсон. 2020 онд мужийнхаа аварга шалгаруулах тэмцээнээс алтан медалийн эзэн болсон монгол охин Indila “Love story” дуун дээр үзүүлбэрээ дэглэлээ.
