"Хөгжлийн Банк"-ны шүүх хурал 16 дахь өдрөө үргэлжилж байна. Өнөөдрийн шүүх хуралдаанаар хохирогчоос прокурор, өмгөөлөгчид асуулт асууж байна.
Энэ үеэр “Шинэ яармаг” төслийн өмгөөлөгч О.Баасанхүү ХБ-ны гурван төлөөлөгчдөөс асуулт асуусан юм.
Та бүгд хохирлоо "Шинэ яармаг" төслөөс нэхэмжлээд байна уу? Иргэн Ц.Ууганбаяраас /Нью Яармаг хаусинг прожект ХХК-ийн гүйцэтгэх захирал/ нэхэмжлээд байна уу?
Энэ үеэр тэрбээр хохирогчийн өмгөөлөгч Баатарбилэгт хандан “Шүүгдэгч өөрийгөө өмгөөлж, худлаа ярьж болно. Харин гэрч, хохирогч зөвхөн үнэнийг ярих ёстой. Асуултад хариулах явцад саад хийж, хэрэг хянан шийдвэрлэх ажиллагаанд санаатайгаар саад учруулахгүй байхыг хүсье” гэсэн юм.
ХБ-ны төлөөлөгчид: Энэ зээлийг хуульд нийцүүлж олгосон уу, үгүй юу гэх хянан шийдвэрлэх үйл ажиллагаа энд явагдаж байгаа. Хөгжлийн Банкны зүгээс өөрт хохирсон хохирлыг тооцоолж өгсөн. Үүнийг гэмт хэрэг мөн үү, биш үү гэдгийг шүүх шийднэ. Гэм буруутай этгээдүүдээс хэнээс хэдэн төгрөг гаргуулах нь шүүхийн эрх хэмжээний хүрээнд шийдвэрлэх асуудал .
О.Баасанхүү: Зээлдэгч тал нь хэн юм, зээл өгөгч тал нь хэн юм?
ХБ-ны төлөөлөгчид: Битүүмжтэй дансанд байрлуулсан мөнгөнөөс тодорхой хэмжээний зөвшөөрөл буюу мэдэгдэл явуулж, түүнийхээ хүрээнд захиран зарцуулчихсан байгаа нь гэмт хэрэг мөн үү, биш үү гэх асуудлыг л энд хэлэлцэж байна.
