Дорнод аймгийн Дашбалбар, Булган, Чулуунхороот, Цагаан-Овоо суманд малын гоц халдварт хонины цэцэг өвчин гарчээ.
Цагаан-Овоо сумын II багийн нутаг Уулын ар, V багийн нутаг Мандал гэх газарт хаваржиж буй малчдын хотонд уг өвчний халдвар бүртгэгдсэн байна. Иймд Дорнод аймгийн Онцгой комисс, аймгийн Мал эмнэлгийн газраас цэцэг өвчин гарсан бүс нутгуудаар зорчихгүй, тойрч өнгөрөх, дээрх сумдаас малын шилжилт хөдөлгөөн хийхгүй байхыг анхаарууллаа.
