УИХ-ын гишүүн Ч.Ундрам олны анхаарлыг дахин өөртөө татаад амжлаа. Энэ удаад түүний хувын амьдрал хөндөгдсөнгүй. Улсын хэмжээнд яригдахаар олон мянган хүүхдүүдийн боловсролын асуудал хөндөгдлөө.
Тодруулбал, байнгын хорооны хурлын шийдвэрээр англи хэлийг нэгдүгээр ангиас нь заах асуудал дэмжигдсэн талаар УИХ-ын гишүүн Ч.Ундрам мэдээлсэн.
Энэ нь эргээд иргэдийн бухимдлыг хүргээд байгаа билээ. Учир нь нэгдүгээр ангийн хүүхдүүдэд англи хэл зааснаар Төрлөх хэл болох Монгол хэл алдагдана гэж үзээд байгаа юм.
Монгол үсгээ ч мэдэхгүй байгаа жаахан хүүхдүүдэд Англи хэлний шинэ үсэг заавал хольж салгаж ойлгох эрсдэл үүснэ хэмээн иргэд цахим орчноор идэвхтэй дургүйцлээ илэрхийлсээр байгаа билээ.
Мөн УИХ-ын гишүүн асан Г.Уянга өөрийн үзэл бодлоо цахим орчинд нийтэлжээ.
Тэрээр, “Хөнжил гудас, явдал суудал дээр чинь дуугүй байсан! Үүн дээр бол чангаас чанга хашхирна, Ундрам аа! Монголын хүүхдүүдийн ирээдүйг шийдэх ёс зүй ч чамд байхгүй шүү! Эхлээд өөрийнхөө хүүхдийг хайрла!” гэжээ.
