Өчигдөр шөнө гарцгүй замаар гарч байсан иргэнийг машинаар мөргөж амь насыг нь хохироожээ

Өчигдөр шөнө зам тээврийн ноцтой осол  болж, нэг хүн амь насаа алдсан харамсалтай хэрэг гарчээ. Цагдаагийн байгууллагаас ослын талаар тодруулахад, "ХУД-ийн 15-р хороо Энхтайваны гүүр даваад машинтай эрэгтэй хүн мөргөчихлөө, хөдлөхгүй байна  гэх дуудлага мэдээлэл 01:54 цагт хүлээн авсан.  Шалгахад ХУД-1 Чингисийн өргөн чөлөө, Х апартмент хотхоны баруун замд хувийн эзэмшлийн T.Prius  автомашины жолооч  Г,  явган зорчигч П-г мөргөснөөр амь нас нь хохирсон. Хохирогч болох явган зорчигч  нь явган хүний гарцгүй хэсгээр баруунаас зүүн чиглэлд зам хөндлөн гарч байсан. Жолооч  Г нь архи согтууруулах ундааны зүйл хэрэглээгүй эрүүл ертөнцийн зүгээр урдаас хойшоо чиглэлтэй зорчиж байсан гэх хэргийг шалгах ажиллагаа үргэлжилж байна" гэлээ.