"Английн бизнесмэн Макс Жонсонтой холбоотой хэрэг удахгүй шүүхэд шилжинэ"
Шувуу ажиллагааны талаар Хууль зүй, дотоод хэргийн сайд Х.Нямбаатар мэдээлэл өгөх үеэр гадаадын хөрөнгө оруулгагчдын эрх ашгийг хамгаалахтай холбоотой асуудлыг сэтгүүлчид тодрууллаа.
Тэрбээр "Монголчууд бизнес хийвэл тохиролцоондоо шударга байдаг гэдэг дүр төрхийг эргүүлж авч ирэхгүй бол цаашид хөрөнгө оруулалт хийх эрх зүйн орчин хүндэрнэ.
Хоёрдугаарт, гаднын хөрөнгө оруулалтгүйгээр хөгжсөн улс орныг би сонсоогүй. Тиймээс энэ чиглэлд тууштай ажиллана.
Удахгүй Баянгол дүүргийн шүүхэд Хьюндай эмнэлэгтэй холбоотой хэрэг шийдэгдэх гэж байгаа сонссон. Мөн Чингэлтэй дүүргийн шүүхээс Английн бизнесмэн Макс Жонсонтой холбоотой хэрэг шийдэгдээд, нэмэлт ажиллагаа хийгдэхээр Мөрдөн шалгах албанд ирсэн. Удахгүй энэ хэрэг шүүхэд шилжиж, нэг талдаа гарна.
Энэ мэтчилэн Эрүүгийн цагдаа дээр гадаадын хөрөнгө оруулагчдын эрх ашгийг хохироосон, хөндсөн асуудлаар тусгай дугаарын утас ажиллуулж байгаа" хэмээв.
