Улаанбурхан өвчин дэгдэх эрсдэлтэй байна

Улаанбурхан, салхинцэцэг өвчний тархалт, вакцинжуулалт олон улсын нөхцөл байдлын талаар холбогдох албаныхан мэдээллээ. ХӨСҮТ-ийн захирал Ц.Билэгтсайхан "2022 онд 182 улсад 172,000 Улаанбурхан өвчний тохиолдол бүртгэгдсэн. Энэ өмнөх оноосоо гурав дахин өссөн тоо. Харин 2023 оны эхний улиралд гэхэд 100 гаруй улсад 22,000 тохиолдол бүртгэгдсэний зарим нь БНХАУ, ОХУ-д байна. Одоогоор манай улсад Улаанбурхан өвчин дэгдээгүй байгаа ч хөрш орнуудад дэгдсэн учир эрсдэлтэй. Өнгөрсөн долоо хоногт эрсдэлийн үнэлгээ хийж үзэхэд, тодорхой хэмжээний эрсдэл байгаа нь тогтоогдсон тул 21 аймаг, нийслэлд мэдээлэл хүргүүлсэн байгаа.