Н.УЧРАЛ: Төрд ажиллаж байгаа хүн бүр хулгайч биш, үлдсэн сайн алба хаагчдаа анхаармаар байна

Өнөөдрийн чуулганаар Төрийн албан хаагчийн ёс зүйн тухай хуулийн төсөл болон хамт өргөн мэдүүлсэн хуулийн төслүүдийг анхны хэлэлцүүлгийг явуулж байна. Мөн Төрийн албан хаагчдын орлогыг хянахаас гадна зарлага, хэрэглээг хянаж АТГ-т мэдүүлж байх заалтын тухай яригдаж байна. Тодруулбал, Авлигын эсрэг хуульд хөрөнгө орлогыг мэдүүлж байхаас гадна зарлагыг мэдүүлж байх саналыг хэлэлцэж байгаа юм.Энэ үеэр УИХ-ын гишүүн Н.Учрал “АТГ төрийн албаны зөвлөлийн ажлыг давхар шахуу хийдэг болчихлоо гэж иргэд шүүмжилж байна. Тэгэхээр яг ямар албан тушаалтан АТГ-т орлого, зарлагынхаа мэдээллийг өгөх юм бэ гэдгийг заагламаар байна. Тэгэхгүй бол бүгд мэдүүлвэл төрд ажиллах хүн олдохгүй. Хулгай хийгээгүй төрийн төлөө зүтгэж байгаа хүн хэлмэгдээд шаардлага, дарамтаа дийлэхээ байж байхад нэмээд ийм заалт оруулах нь зөв үү. Байгаа хэдэн сайн төрийн албан хаагчдаа яаж авч үлдэж, шинэчлэлийг хэрхэн хийх вэ гэдгээ ярилцмаар байна” гэв.