Б.ЧОЙЖИЛСҮРЭН: Өвөрмонголоос цахилгаан эрчим хүч импортлох шаардлага үүсэхийг үгүйсгэхгүй

ЭХ-ний сайд Б.Чойжилсүрэн эрчим хүч, иргэдийн хэрэглээний тухай ноцтой гэмээр мэдээлэл хийлээ. Түүний хэлж буйгаар, “манай улсын төвийн эрчим хүчний системийн хэрэглээ жилд 4.8-6.4%-аар өсч, эрчим хүчний эх үүсвэрийн дутагдалд орсон байгаа нь үнэн. Мөн 2022-2023 халаалтын өвлийн улирлыг эрчим хүчний салбарынхан бүх нөөц бололцоогоо шавхаад давсан. Нэг, хоёр жилдээ Өвөрмонголоос цахилгаан эрчим хүч импортлох шаардлага үүсэхийг үгүйсгэхгүй. Тус орны эрчим хүчний салбарын мэргэжилтнүүд ирэх сард манай улсад ирж ажиллан техникийн бололцоог судлахаар тохирсон. Ямар ч байсан ирэх өвлийн эрчим хүчний оргил ачааллын үеийг давна. Өнгөрсөн жилийн арванхоёрдугаар сараас ААН-үүдийн цахилгаан эрчим хүчний үнийг 14-38%-аар нэмж, нэг удаагийн арга хэмжээ авсан. Энэ нь хангалттай бус. Шаардлагатай тохиолдолд дахиад нэмэхээс өөр аргагүй” гэв.