Г.ТЭМҮҮЛЭН: Төсвийн алдагдлыг өрөөр санхүүжүүлдэг асуудал үүссэн

  "Төсвийн шинэчлэлийн тухай хууль"-ийн талаар УИХ-ын гишүүн, Төсвийн байнгын хорооны дарга Г.Тэмүүлэн тайлбар өглөө. Тэрбээр "УИХ-ын 30 гаруй гишүүний зүгээс "Төсвийн тухай хууль", "Төсвийн тэнцвэртэй байдлын тухай хууль"-д нэмэлт өөрчлөлт оруулах талаарх хуулийн төслийн өргөн барьсан. Сүүлийн 15 жилийн хугацаанд үндсэн хууль гэж хэлж болохуйц "Төсвийн тэнцвэртэй байдлын тухай хууль"-д 13 удаа өөрчлөлт оруулсан байна. Энэ нь төсвийн сахилга бат гэх зүйлийг байхгүй болгосон. Үүнээс болоод төсөв алдагдалтай, улс төрчдөд зориулж батлагддаг. Төсвийн алдагдлыг өрөөр санхүүжүүлдэг асуудал үүссэн. Тиймээс цаашдаа цэг тавих, шинэчлэлт хийх хэрэгцээ шаардлага байна гэсэн үг. Хууль батлагдсанаар төсвийн ил тод байдал, хяналтын асуудал яригдана. Өнгөрсөн 10 жилд мэдээллийн ил тод байдал учир дутагдалтай байна” гэв.