"Эрдэнэс Тавантолгой" компанид тогтоосон онцгой дэглэмийг сунгалаа
Засгийн газрын ээлжит хуралдаан болж байна. Өнөөдрийн хуралдаанаар дараах асуудлыг хэлэлцэнэ.
Монгол Улсын Ерөнхийлөгч У.Хүрэлсүхийн санаачлан боловсруулсан Улс төрийн намын тухай хуулийн шинэчилсэн найруулгын төсөл,
Нийслэл Улаанбаатар хотын авто замын түгжрэлийг бууруулах чиглэлээр авах арга хэмжээний хэрэгжилт,
“Эрдэнэс Тавантолгой” ХК-ийн талаар авах арга хэмжээний тухай,
“Тавантолгой дулааны цахилгаан станц” төслийн хэрэгжилтийг эрчимжүүлэх зарим арга хэмжээний тухай зэрэг 29 асуудал хэлэлцэх болон танилцахаар төлөвлөөд байна.
Хуралдаанаар "Эрдэнэс Тавантолгой" компанид тогтоосон онцгой дэглэмийг сунгах шийдвэр гарсныг Ерөнхий сайдын Хэвлэлийн төлөөлөгч Ч.Болортуяа хэллээ."Өнгөрсөн хугацаанд борлуулалтын орлого нь 3.5 дахин нэмэгдэх зэрэг эерэг үр дүн гарсан. Мөн нүүрсийг хил нөхцөлөөр биржээр борлуулдаг болсон зэрэг нь ахиц дэвшил" хэмээн ЗГХЭГ-ын дарга Д.Амарбаясгалан хэллээ.
