АТОЗ-ийн С.Батчулууныг тэтгэвэрт гарсан гэх үндэслэлээр "ШҮҮР" ажиллагааны хүрээнд шүүрдэх гэхэд эсэргүүцжээ

Засгийн газраас хэрэгжүүлж буй "5Ш" ажиллагааны хүрээнд Шүүр ажиллагааг эхлүүлсэн. Энэ ажиллагааны талаар Засгийн газрын хэрэг, эрхлэх газрын дарга Д.Амарбаясгалан өнгөрсөн долоо хоногт мэдээлэл хийхдээ "Хууль бусаар томилогдсон болон аргагүй бус тохиолдолдоос бусад үед ажиллаж буй тэтгэврийн насны гэх мэт 6000 төрийн албан хаагчийн асуудлыг хөндөнө" гэж мэдэгдсэн. Тэгвэл Шүүр ажиллагааны хүрээнд Гашуунсухайт дэх гаалийн газрын Захиргаа удирдлагын газрын дарга С.Батчулууныг "шүүрдэнэ" гэхэд дургүйцэж, эсэргүүцэл илэрхийлсэн гэх мэдээлэл байна. Учир нь С.Батчулуун нь тэтгэвэртээ гараад багагүй хугацааг үджээ. Түүнийг АТОЗ-ийн С.Батчулуун гэдгээр нь хүмүүс мэддэг. Тэрбээр тус албан тушаалыг 5-6 жил хашсан ч гаалийн салбарт мэргэшээгүй гэдгийг эх сурвалжууд хэлж байна. Тэрбээр саяхнаас охин дуучин Б.Маралжингоогоо гаалийн түргэвчилсэн богино хугацааны сургалтад мөн суулгах болжээ.