Н.Удаанжаргалыг Аргентинд байгааг нь тогтоосон бөгөөд Монголд авчрахаар ажиллаж байна

"Тавантолгой төмөр зам" компанийн захирал Н.Удаанжаргалыг авчирна гэж Авлигатай тэмцэх газрын дарга З.Дашдаваа мэдэгдсэн. Тэгвэл хуулийнхан Н.Удаанжаргалыг Аргентинд байгааг тогтоожээ.  Н.Удаанжаргал нь 2022 оны аравдугаар сард эх орноосоо явсан. АТГ-аас Н.Удаанжаргалыг "Богдхан төмөр зам"-ын санхүү болон үндэслэлгүй хөрөнгөжсөн гэх асуудлаар шалгаж, яллагдагчаар татан улмаар интерполоор эрэн сурвалжилсан.  Түүнийг мөнгөн гуйвуулга хийснээр нь хөөж байршлыг нь тогтоожээ. Улмаар  Монголд авчрах улс хоорондын Засгийн газрын түвшний яриа хэлэлцээ, хууль хяналтыг байгууллагын хамтын ажиллагаа эхлээд байна.