“Монголын Алтан Аялал” ХХК нь Хан-Уул дүүргийн 14-р хороо, Богдхан уулын дархан цаазат газарт Аялал жуулчлалын зориулалтаар 4 гэрчилгээ бүхий нийт 77.35 га газрыг компанийн захирал Д.Хулангийн нэр дээр, мөн түүний охин Н.Цэлмүүний нэр дээрх 22.5 га газрыг аялал жуулчлалын томоохон төсөл хэрэгжүүлэх зорилгоор авсан.
Газрын тухай хууль, Тусгай хамгаалалттай газар нутгийн тухай хуулийн дагуу газар ашиглах эрхийн гэрчилгээ, гэрээний үндсэн дээр ашиглаж байгаа бөгөөд өмчилж, эзэмшээгүй болохоо мэдэгдэж мэдэгдэл хүртэл гаргажээ.
Тус газруудын ашиглах эрхийн гэрчилгээг 2010, 2011, 2012, 2017 онуудад холбогдох хууль тогтоомжийн дагуу авсан ба зохих шаардлагыг хангасны үндсэн дээр сунгуулан ашиглаж байна.
Ингэхдээ хууль тогтоомжид заасны дагуу 1 м.кв тутамд 1410 төгрөг буюу 1 га тутамд 14.1 сая төгрөгийн төлбөрийг жил тутам төлж байна. Өөрөөр хэлбэл, жил бүр 1.4 тэрбум гаруй төгрөгийн газрын төлбөрийг төлж байгаа бөгөөд 2023.01.01-ний өдрийн байдлаар газрын төлбөрийн үлдэгдэлгүй болохыг газрын албанаас тооцоо нийлсэн акт үйлдэж баталгаажуулсан болно гэжээ. Мөн тус газарт аялал жуулчлалын төслийг үе шаттай хэрэгжүүлж байгаа ба том хэмжээний төслийн дэд бүтцийн хөрөнгө оруулалтыг эхлэн шийдэх шаардлагын дагуу доорх ажлуудыг хийж гүйцэтгээд байна.
