МИАТ ТӨХК-ийн В737 МАХ агаарын хөлгийн нисгэх бүрэлдэхүүн Тунис Эйр компанид нойтон түрээсийн гэрээгээр амжилттай ажиллав.
МИАТ ТӨХК-ийн EI-MNG бүртгэлийн дугаартай В737 МАХ агаарын хөлгийн нисгэх бүрэлдэхүүн Бүгд Найрамдах Тунис Улсын Тунис Эйр компанид 2022 оны 8-р сарын 19-нөөс 9-р сарын 28-ны хооронд нойтон түрээсийн гэрээгээр амжилттай ажиллаад эх орондоо ирлээ.
В737 МАХ агаарын хөлгийн нисгэх бүрэлдэхүүн түрээсийн хугацаанд Франц, Австри, Турк, Бельги, Герман, Испани, Швейцари зэрэг улсын 16 хотын чиглэлд нислэг үйлдсэн байна.
В737 МАХ агаарын хөлгийг АНУ, Европ, Азийн орнууд нислэг үйлдвэрлэлдээ дахин ашиглаж эхэлсэн бөгөөд МИАТ компани Боинг компаниас тавьж буй аюулгүй ажиллагааны шаардлагыг зохих журмын дагуу бүрэн хангаснаар нислэг үйлдвэрлэлд дахин ашиглаж эхлэх боломжтой болсон юм.
