Хөдөлмөрийн аюулгүй байдал гэдэг ХҮҮХДИЙН НҮДЭЭР
Хөдөлмөрийн аюулгүй байдал, эрүүл ахуйн нийслэлийн зөвлөгөөн, Нийслэлийн хөдөлмөр, халамжийн газар хамтран хүүхэд, залуучуудад хөдөлмөрийн аюулгүй байдал, эрүүл ахуйн талаарх мэдлэг, ойлголтыг өгөх, хүүхдийн бүтээлээр дамжуулан ажлын байран дээр гарч болзошгүй осол, бэртэл, өвчлөлөөс урьдчилан сэргийлэх үйл ажиллагаанд олон нийтийн оролцоог нэмэгдүүлэх зорилготой гар зургийн уралдаан зарлажээ.
“Эрүүл аюулгүй ажлын байр хүүхэд бидний ирээдүй” сэдэвт энэхүү гар зургийн уралдаан нь Нийслэлийн ЕБС-ийн 9-12 дугаар ангийн сурагчдын дунд зохион байгуулагдах юм.
Бүтээл шалгаруулах үйл ажиллагаа 2 үе шаттай явагдах бөгөөд нэгдүгээр шатны шалгаруулалтыг Хөдөлмөрийн аюулгүй байдал, эрүүл ахуйн нийслэлийн зөвлөлийн гишүүдийн саналаар, хоёрдугаар шатны шалгаруулалтыг Нийслэлийн Хөдөлмөр, халамжийн газрын пэйж хуудсанд байршуулж, хамгийн олон хүний дэмжлэг авсан дүнгээр шалгаруулах аж.
