Г.ЗАНДАНШАТАР: Засгийн газрын гишүүд орж ирээд бие биенээсээ асуулт асуугаад баймааргүй байна

УИХ-ын үдээс өмнөх хуралдаанаар Засгийн газрын тусгай сангийн тухай хуульд нэмэлт, өөрчлөлт оруулах тухай хууль болон хамт өргөн мэдүүлсэн хуулийн төслийг хэлэлцэв.УИХ-ЫН ГИШҮҮН Х.БУЛГАНТУЯА:  Хөдөө аж ахуйг дэмжих санг татан буулгаад төрийн өмчит хязгаарлагдмал компани байгуулж байгаа гэж ойлгож байгаа. Сан байснаар нэг хэцүү нь тусгай сангийн өр авлага, тайлан тооцоо бол ганцхан Сангийн яаманд л хүргэгддэг. Өнөөдрийг хүртэл маш олон сан байгаад төлбөр тооцоо, өр авлагад нь асуудал үүсээд тэгээд заримыг нь татан буулгаж нэгтгэсэн. Одоо корпораци болсноор тайлангаа гаргаж ашгийн төлөө ажиллахыг эрмэлзэнэ гэж ойлгож байна. Өмнөх сангуудын тайлан тооцоо, өглөг авлага юу болсон бэ?. Зээл олголттой холбоотой маш зөрчлүүд 2017-2019 оны хооронд байсан. Эргэн төлөлт нь хэр болсон бэ? Хуулийн хариуцлага хүлээсэн хүн бий юү? Тусгай сангийн хуулиар нийт 25 сан үйл ажиллагаа явуулж байна. Гоё нэртэй сан дандаа л зөв юм бодож байгуулдаг. Цэвэр агаар сангаар дамжуулаад бохир үйл ажиллагаа явуулчихсан шиг зөв зүйл санаачилж хийхээр, нөгөөхийг нь буруу нэг хэсэг нь ашиглаад “өгөхгүй ш дээ ойлгомжтой, өгөхгүй” гэдэг юм яриад байх юм.УИХ-ЫН ДАРГА Г.ЗАНДАНШАТАР:Нэгдүгээрт, Засгийн газар танхимын зарчмаар ажилладаг. Засгийн газрын гишүүд орж ирээд бие биенээсээ асуулт асуугаад баймааргүй байна. Нийт тусгай сангийн асуудал биш Хөдөө аж ахуйн сангийн асуудал яригдаж байгаа.