МИАТ ТӨХК гадаад улсын 100 дахь агаарын хөлгийг техник үйлчилгээнээс гаргалаа
“МИАТ” ТӨХК-ийн Агаарын хөлгийн засвар үйлчилгээний газар нь 2013 оноос хойш гадаадын авиакомпанийн агаарын хөлөгт хүнд, хөнгөн хэлбэрийн техник үйлчилгээ хийж эхэлснээс хойш өнөөдрийг хүртэлх хугацаанд 100 агаарын хөлөгт техник үйлчилгээг үзүүлээд байна.
МИАТ ТӨХК-ийн техник үйлчилгээ үзүүлсэн 100 дахь агаарын хөлөг нь БНСУ-ын T’way air компанийн В737-800NG маягийн агаарын хөлөг болж байна.
АХЗҮГ нь Монгол Улсын Иргэний Нисэхийн Ерөнхий газар, Европын холбооны Иргэний агаарын тээврийн байгууллага “EASA, БНСУ, Тайландын вант улс, далайн чанад дахь Бермудын арал, Бүгд Найрамдах Турк зэрэг улсуудын Иргэний Нисэхийн Удирдах газруудаар гэрчилгээжүүлсэн ба агаарын хөлөг болон түүний эд ангийн засвар үйлчилгээний үйл ажиллагаа эрхэлдэг олон улсад хүлээн зөвшөөрөгдсөн Монгол Улсын хэмжээнд анхны бөгөөд цорын ганц байгууллага юм.
