Зөвхөн Д.Мөнх-Эрдэнэ хорих ялаар шийтгүүлж, бусад нь торгуулж, нийтийн албанд томилогдох эрхээ хасуулав

Консул асан Д.Мөнх-Эрдэнэ нарт холбогдох хэргийн гэм буруугийн шүүх хурал 3 өдрийн турш үргэлжилж, шүүх бүрэлдэхүүн шийдвэрээ гаргалаа.Шүүхээс:-Консул асан Д.Мөнх-Эрдэнэд нийтийн албанд ажиллах эрхийг 5 жилээр хасч 4 жил хорих, 2.7 сая төгрөгөөр торгох -УИХ-ын Тамгын газрын Хэвлэл, мэдээлэл олон нийттэй харилцах хэлтсийн дарга асан Б.Эрдэнэбаярт нийтийн албанд томилогдох эрхийг 7 жилээр хасч 16 сая төгрөгөөр торгох -БОАЖЯ-ны Тусгай хамгаалалттай бүс нутгийн удирдлагын газрын даргын албан үүргийг түр орлон гүйцэтгэж байсан Д.Батмөнхийн нийтийн албанд томилогдох эрхийг 5 жилээр хасч 10 сая төгрөгөөр торгох -Богдхан уулын дархан цаазат газрын хамгаалалтын захиргааны даргын албан үүргийг түр орлон гүйцэтгэгч Н.Пүрэвжавын нийтийн албанд томилогдох эрхийг 2 жилээр хасч 6 сая төгрөгөөр торгох -“Монгол Глобал” ХХК-ийн захирал Б.Ганбаярыг нийтийн албанд томилогдох эрхийг 2 жилээр хасч 14 сая төгрөгөөр торгох ялаар тус тус шийтгэх тогтоол гарлаа.