Л.ОЮУН-ЭРДЭНЭ: Шилэн ажиллагаа бол авлига бүрдэх хөрс суурийг устгаж байгаа хэлбэр

Бизнесийн цахим таатай, нээлттэй орчин бүрдүүлэх дотор “E-Business”  платформыг Монгол Улсын Ерөнхий сайд Л.Оюун-Эрдэнэ нээлээ. Нээлтийн ажиллагааны дараа тэрбээр сэтгүүлчдийн асуултад, хариулт өгсөн юм. Мөн shilen.gov.mn-д байршсан мэдээллүүд, шилэн ажиллагааны талаар онцоллоо.ЕРӨНХИЙ САЙД Л.ОЮУНЭРДЭНЭ:Бүх зүйл ил болно. Нууц зүйл гэж байхгүй. Ямар иргэн, ямар аж ахуйн нэгж Улаанбаатар хотод газар авч байна тэр ил болно. Хэн тэтгэлэг, тендер авч байна тэр болгон ил болно. Ил болно гэдэг маань өөрөө тухайн аж ахуйн нэгж, иргэдийг буруутгаж байгаа хэлбэр ерөөсөө биш. Зүгээр л тэр мэдээллийг иргэд мэдэх эрхтэй. Тэр дунд нөлөөлөл орсон эсэх, танил талаар дамжиж уу гэдгийг хүмүүс харж дүгнэлт хийх боломжтой болж байна гэсэн үг. Өнгөрсөн 30 орчим цахимжилт байхгүй явсан учраас, магадгүй зарим нэг компани илүү давуу эрх аваад яваад байдаг ч юм уу, эсхүл хэн нэгэн хүний танил талаар дамжуулж иргэн аж ахуйн нэгжүүдэд нээлттэй биш мэдээллийг давуу байдал үүсгэж аваад байдаг ч юм уу, энэ бүх асуудлыг Шилэн ажиллагааны хүрээнд ил болгоно. Цаашдаа нууц зүйл байхгүй болчихоор аяндаа олон нийтийн хяналт энэ бүгдийг зохицуулна гэж харж байгаа. Авлига бүрдэх хөрс суурийг л байхгүй болгон гэсэн үг шүү дээ.