Л.ОЮУН-ЭРДЭНЭ: Цахим, Авлигагүй, Шилэн Монгол Улс болоход иргэн та ТООН ГАРЫН ҮСГЭЭ авч хувь нэмрээ оруулаарай

Бизнесийн цахим таатай, нээлттэй орчин бүрдүүлэх дотор “E-Business”  платформыг Монгол Улсын Ерөнхий сайд Л.Оюун-Эрдэнэ нээлээ. Нээлтийн ажиллагааны дараа тэрбээр сэтгүүлчдийн асуултад, хариулт өгсөн юм.ЕРӨНХИЙ САЙД Л.ОЮУН-ЭРДЭНЭ:“E-мongolia” платформ нээгдээд, өнөөдрийн байдлаар 1.5 сая орчим хэрэглэгчтэй болсон байна.  Өнөөдөр бол Emongol цэсэн дотор “E-Business”  платформ нээгдэж байна. Ингэснээр тусгай зөвшөөрлүүд, магадгүй гаднаас ч бай Монголын бизнес, эдийн засагт оролцогч байх боломж нээгдэж байгаа гэж хэлж болно. Урд нь тухайлбал, компани байгуулах гээд татвар, улсын бүртгэл дээр очдог байсан бол одоо гар утасруугаа ороход л хангалттай болчихоод байна. Засгийн газрын гол байр суурь бол технологийн дэвшлээр тулгуурлаж хүнд суртлыг багасгах зорилтыг тавьж байгаа. Энэ нь хөрөнгө оруулалт, бизнесийн орчинд чухал зүйл болно гэж үзэж байна. Шилэн ажиллагаа маань ч үүнтэй холбоотой. Цаашдаа “E-Business”  -ээр тогтохгүй, 2:0, 3:0 гээд хөгжүүлэлт хийгээд явна. Иргэд, олон нийт Энэхүү платформ, цэсний хөгжүүлэлтийн тухай, ашиглах байдалтай холбоотойгоор 11 11 төврүү холбогдож, санал бодлоо хэлж болно..Цахим, Авлигагүй, Шилэн Монгол Улс болоход иргэн таны оруулж болох хамгийн том хувь нэмэр бол тоон гарын үсгээ авах юм шүү гэж уриалмаар байна. Өнөөдөр би бас тоон гарын үсгээ авлаа. Тоон гарын үсэг бүрдсэнээр иргэн та нотариат дээр очихгүй шаардлагагүй болно, та заавал орон нутгаас Улаанбаатар хотод ирж үйлчилгээ авах шаардлагагүй болно, цаашлаад цахимаар сонгууль өгөх боломж үүсэх юм.Та гарын үсгээрээ хөрөнгө оруулалт, бусад бүх төрлийн бизнесийн баримт бичигт баталгаажуулалт өгч болно. Төрийн үйлчилгээ хялбаршиж, иргэдтэйгээ имэйлээр харьцах боломж үүснэ. Тэгэхээр иргэн таны авлига, хүнд сурталгүй Монголын төлөө оруулж чадах хамгийн хувь нэмэр бол тоон гарын үсгээ авах юм шүү гэдгийг хэлж, уриалмаар байна. Оны эцэс гэхэд өнөөдрийн байдлаар тоон гарын үсгээ авсан 600 орчим мянган хүний тоо 1.5 сая болж чадвал маш том цахим хувьсгал болох юм.