Япон Улсаас Монгол Улсад суугаа Элчин сайд Х. Кобаяши 2022 оны 6-р сарын 28-ны өдөр МИАТ ТӨХК-ийн төв байранд зочлон Гүйцэтгэх захирал Б.Мөнхтамиртай санал солилцохын зэрэгцээ тус компанийн Агаарын хөлгийн засвар үйлчилгээний газрын үйл ажиллагаатай танилцлаа.
Уулзалтын үеэр Элчин сайд Х. Кобаяши, шаардлагатай үед Япон иргэдийн амь нас, эрүүл мэндийг хамгаалах чиглэлээр дэмжлэг үзүүлэн хамтран ажиллаж байгаад талархалаа илэрхийлэв. Гүйцэтгэх захирал Б.Мөнхтамир, агаарын тээврийн салбар дахь цаашдын хамтын ажиллагааг карго тээвэр болон агаарын хөлгийн засвар үйлчилгээний чиглэлээр өргөжүүлэх саналтай байгаагаа уламжлав.
